Yn dilyn cynllun peilot llwyddiannus, mae’r Cynllun Coedwig Genedlaethol Cymru (NFfW) yn parhau i weithio ar raddfa dirwedd i greu a gwella coedwigoedd ar hyd a lled Cymru.
Mae cynllun wedi’i gyllido gan Lywodraeth Cymru a’i reoli a’i ddosbarthu gan Lleoedd Lleol ar gyfer Natur – Cynllun Partneriaethau Natur Lleol (LNP). Gall y cynllun gael ei gyrchu gan fudiadau yng Nghymru sy’n cydweithio â’u Partneriaeth Natur Leol i ddatblygu a goruchwylio eu prosiect.
Mae’r cynllun yn cefnogi prosiectau ledled Cymru sy’n:
- Gwireddu buddion economaidd, cymunedol, bioamrywiaeth a hamdden NFfW
- Cydweithredol rhwng nifer o berchnogion tir ar raddfa dirwedd
- Bodloni 6 canlyniad NFfW, fel y nodir isod:
Diben y cynllun cyfan yw cyflawni pob un o ganlyniadau canlynol NFfW:
- coetiroedd gwydn o ansawdd da sydd wedi’u dylunio a’u rheoli’n dda
- coetiroedd sy’n hygyrch i bobl
- cysylltiad cymunedau â choetiroedd
- coetiroedd cysylltiedig
- coetiroedd a choed dynamig, aml-ddiben
- coetiroedd sy’n dangos dysgu, ymchwil ac arloesedd
Dylai pob prosiect fod wedi'i wreiddio yn anghenion ei 'le' a'r effaith y gall coed ei chael ar eu cymuned/lleoliad.
Dylai prosiectau ddarparu ymgysylltiad cymunedol cryf, gan gynnig cyfleoedd i gymunedau difreintiedig gael mynediad at goetir a natur. Creu cyfleoedd economaidd lleol, cynaliadwy mewn ardaloedd cefn gwlad.
Rhaid i brosiectau gyflawni yn erbyn amcanion polisi coedwigaeth ehangach:
- Plannu coed
- Gwell mynediad a chysylltedd
- Datblygu sgiliau
- Gwerth economaidd coetir
- Cefnogi ymgysylltiad ehangach â’r gymuned drwy addysg, datblygu sgiliau a chyfleoedd gwirfoddoli
- Ymagweddau arloesol at reoli coetiroedd a thirweddau a rheoli, peilota ac arddangos arferion newydd.
Dyma rai gweithgareddau a gefnogwyd drwy’r cynllun peilot blaenorol:
- Gweithgareddau cymunedol diddorol i bobl ifanc ac oedolion agored i niwed.
- Gwella’r mynediad i goetiroedd a’r mwynhad o fod mewn coetiroedd trwy wella a thrwsio’r seilwaith.
- Cynnig hyfforddiant ac arddangosiadau i wirfoddolwyr a grwpiau ar sgiliau coetir traddodiadol fel bondocio a phlannu coed.
- Prosesu pren ac edrych ar gyfleoedd economaidd cynaliadwy trwy ddefnyddio melin goed symudol a llunio canllawiau i’r rheini sy’n rheoli coetiroedd er budd economaidd a chymunedol.
- Cysylltu coetiroedd, coed perthi, tir glas a mawndiroedd coedwigoedd lleol er mwyn creu cynefinoedd, gwella bioamrywiaeth ac ymgysylltu’n ehangach â’r gymuned.
