Cydlynwyr Arfordirol

Mae'r Gronfa Her Cydlynwyr Arfordirol yn gynllun grant a gyllidir gan Lywodraeth Cymru i feithrin capasiti ar gyfer prosiectau lleol yn ardaloedd arfordirol Cymru. Mae'n gwneud hyn drwy ymgysylltu â phartneriaid a rhanddeiliaid allweddol ar draws cymunedau arfordirol i gyflawni canlyniadau positif ar gyfer ecosystemau morol gwydn.

Mae tri chydlynydd wedi cael eu cyllido ledled Cymru. Cefnogir y cydlynwyr hyn gan y Partneriaethau Natur Lleol yng Ngwynedd, Sir Fynwy a Sir Benfro. Mae eu rolau wedi'u cyllido o fis Hydref 2025 i fis Mawrth 2028.

Mae pob cydlynydd yn gyfrifol am gynnal partneriaeth arfordirol neu fforwm yn ei ardal leol er mwyn nodi cysylltiadau, heriau a chyfleoedd lleol. Byddant hefyd yn gweithio gyda'r cydlynwyr eraill i sicrhau cydlyniant a gwneud mwy o wahaniaeth.

Y tu hwnt i hyn, bydd meysydd gwaith yn cynnwys:

• Datblygu mentrau llythrennedd ac addysg cefnforol sy'n cyfrannu at gyflawniad y fframwaith Y Môr a Ni
• Darparu tystiolaeth leol well sy’n seiliedig ar leoedd ar gyfer gwneud penderfyniadau
• Nodi prosiectau adfer morol ymarferol a lliniaru pwysau