Cysylltwch â ni i gael gwybod mwy.
Ydych chi’n berchen ar dir neu’n rheoli tir ac eisiau cyngor ar sut i gyflwyno buddion i fyd natur? Gall ein cydlynwyr Partneriaeth Natur Leol ledled Cymru gynnig cyngor am ddim neu eich cyfeirio at fudiadau a allai eich helpu i gyflwyno cymaint â phosibl o fuddion i fyd natur ar eich tir.
Mae grwpiau cymunedol wedi bod yn gweithredu dros fyd natur ers tro byd, a gallwn ni yn LNP Cymru helpu. Gall ein rhwydwaith o gydlynwyr natur gynnig cyngor am ddim i’ch grwp cymunedol ar ddatblygu eich prosiectau natur. Gallwn ni i gyd wneud ein rhan dros fyd natur yn y gymuned
Mae gan Gyrff Cyhoeddus rôl allweddol mewn cyfrannu at adferiad natur drwy wella’r fioamrywiaeth ar safleoedd sydd yn eu meddiant a dan eu dylanwad, drwy leihau allyriadau carbon neu wneud penderfyniadau caffael doethach.
Mae Cynghorau Tref a Chymuned yn darparu gwasanaeth hanfodol yn y gymuned ac yn cynnig potensial gwych i wella byd natur ar safleoedd y maen nhw’n berchen arnynt neu’n eu rheoli’n uniongyrchol. Gallwn ni weithio gyda chi i gyflawni’r buddion mwyaf posibl i fyd natur yn eich cymuned.
Mae natur yn ffynhonnell o ysbrydoliaeth sy’n cyflwyno llawer o fuddion i gymunedau a’r gymdeithas ehangach. Gall ein staff natur arbenigol ledled Cymru helpu eich elusen a’ch gwirfoddolwyr i ymhél â byd natur a gwella llesiant.
Mae Cymdeithasau Tai yn rheoli ac yn berchen ar fannau gwyrdd sylweddol eu maint a gall y rhain fod o fudd i denantiaid a bioamrywiaeth os cânt eu cynllunio, eu cyflenwi a’u rheoli’n gywir. Gall y cymorth am ddim a ddarperir gan ein rhwydwaith o gydlynwyr helpu i gyflwyno canlyniadau gwell i fyd natur ar eich safle.
Mae busnesau ffyniannus yn dibynnu ar fyd natur ac mae iechyd byd natur dan bwysau sy’n effeithio ar dwf economaidd ac yn cyflwyno risg i fusnesau a defnyddwyr. Gall LNP Cymru gynnig cyngor am ddim ar wneud eich busnes yn ‘gyfeillgar i natur’.
Mae dod i gysylltiad â natur a chael profiad yn y dosbarth awyr agored yn fuddiol tu hwnt i blant; mae’n gwella canlyniadau dysgu, yn magu eu hyder ac yn rhoi sgiliau cymdeithasol iddynt. Gall ein cydlynwyr natur roi cyngor cyffredinol a help i’ch ysgolion i gyflawni prosiectau natur gwell. Mae am ddim ac yn seiliedig ar wybodaeth leol sy’n gweddu i leoliad eich ysgol.
2024 LNP Cymruwebsite by WiSS
